Եգիպտոսի զինվորականները Սինայի թերակղզու հյուսիսում շարունակվող լայնածավալ գործողության ընթացքում ոչնչացրել են ահաբեկչական խմբավորումներից մեկի 10 անդամի, հայտարարել Է Եգիպտոսի պաշտպանության նախարարության մամուլի ծառայությունը, փոխանցում է ՌԻԱ Նովոստին:
«Ոչնչացվել են ահաբեկչական խմբավորման տասը առավել վտանգավոր անդամներ, նրանց մոտ հայտնաբերվել է զենք եւ պայթուցիկ», - ասված է պաշտպանական գերատեսչության հայտարարության մեջ:
Մայիսի 7-ին Սուեցյան ալիքից դեպի արևելք եգիպտացի 11 զինծառայող է զոհվել՝ հետ մղելով ահաբեկիչների հարձակումը։ Դրանից հետո եգիպտական բանակը զգալիորեն ավելացրել է Սինայի հյուսիսում տեղակայված արմատական իսլամիստների դեմ գործողությունների թիվը։ Այդ դեպքերից հետո Եգիպտոսի զինված ուժերը հայտարարել են Սինայի թերակղզում ավելի քան 20 գրոհայինների ոչնչացման մասին։ Գործողության ընթացքում զոհվել է 5 զինվորական։
Սինայի թերակղզու հյուսիսը շարունակվում է մնալ Եգիպտոսի ամենածանր շրջաններից մեկը։ Այստեղ գործող ծայրահեղականները պարբերաբար հարձակումներ են կատարում զինվորականների և ոստիկանության աշխատակիցների վրա։ Սինայում վերջին մի քանի տարիների ընթացքում լայնածավալ հակաահաբեկչական գործողություն է իրականացվում, այս ընթացքում ոչնչացվել եւ ձերբակալվել են հարյուրավոր ծայրահեղականներ: