Թուրքիայի գործող նախագահ Ռեջեփ Թայիփ Էրդողանի և ընդդիմության միասնական թեկնածու Քեմալ Քըլըչդարօղլուի միջև տարբերությունը մայիսի 14-ին կայացած նախագահական ընտրություններում՝ քվեատուփերի 99,86%-ի բացման արդյունքներով, նվազել է մինչև 4,35 տոկոսային կետ։ Նման տվյալներ է հաղորդում երկուշաբթի օրը պետական ​​TRT հեռուստաալիքը։

Էրդողանը հավաքել է է ձայների 49,34 տոկոսը, նրա հիմնական մրցակիցը՝ 44,99 տոկոսը։ ATA դաշինքի երրորդ թեկնածու Սինան Օղանը ստացել է 5,23%: Քվեատուփերի 99,2 տոկոսի մշակման արդյունքներով առաջատար թեկնածուների միջև տարբերությունը 4,5 տոկոսային կետից մի փոքր պակաս է եղել։ Առաջին փուլում հաղթելու համար թեկնածուն պետք է հավաքի 50% գումարած մեկ ձայն, հակառակ դեպքում երկրորդ փուլը կկայանա մայիսի 28-ին։

Քըլըչդարօղլուն ավելի վաղ հայտարարել էր, որ երկրում կանցկացվի հանրապետության ղեկավարի ընտրությունների երկրորդ փուլը։ Այսպիսով, նա կասկածի տակ է դրել Էրդողանի այն հայտարարությունը, թե ինքը ընտրական մարաթոնի առաջատարն է եւ կարող է հաղթել առաջին փուլում։

«Ընտրությունները չեն հաղթում պատշգամբներից ելույթներով, մենք անպայման կհաղթենք ընտրություններում երկրորդ փուլում»,- լրագրողներին ասել է Քըլըչդարօղլուն՝ նշելով, որ ձայների հաշվարկը դեռ չի ավարտվել։