Քիմ Քարդաշյանը Գվինեթ Փելթրոուի Goop փոդքաստում խոստովանել է, որ ռեփեր Քանյե Ուեսթի հետ ամուսնությունից առաջ իր երկու ամուսնությունները իրական չեն եղել. այդ մասին գրում է Daily Mail-ը։

«Ես զգում եմ, որ, ճիշտն ասած, իմ վերջին ամուսնությունն իմ առաջին իսկականն էր»,- ասել է ռեալիթի աստղը։

Գվինեթ Փելթրոուի հետ զրույցում Քարդաշյանը հիշել է, թե ինչ էր զգում իր առաջին երկու ամուսնությունների ժամանակ ու հասկացել է, որ հոգեբանորեն պատրաստ չէր կնոջ դերին։

«Առաջին դեպքում ես պարզապես չգիտեի, թե ինչ է կատարվում: Երկրորդ դեպքում զգացի, որ շատ եմ ուզում ամուսնանալ։ Իմ բոլոր ընկերներն ամուսնացած էին, և ես նույնպես դա էի ուզում»,- կիսվել է Քիմ Քարդաշյանը: