Վարսակի ալյուրով և յուղոտ ձկան ուտեստները թեթևացնում են սեզոնային դեպրեսիայի ախտանիշները և օգնում պայքարել ձմեռային բլյուզի դեմ: Այս մասին Newsweek-ին ասել է սննդաբան Քայլ Քրոուլին։
Քրոուլիի խոսքով՝ վարսակի ալյուրն օգնում է բարձրացնել սերոտոնինի մակարդակը, որը կանխում է տրամադրության փոփոխությունները, ինչպես նաև նվազեցնում է անհանգստությունն ու դեպրեսիայի ախտանիշները։ Բացի այդ, ցինկի պարունակության շնորհիվ վարսակը աջակցում է ուղեղի ընդհանուր առողջությանը և էներգիա է հաղորդում մարմնին:
«Յուղոտ ձկները, ինչպիսիք են սաղմոնը, սարդինան և սկումբրիան, վիտամին D-ի, ինչպես նաև առողջ օմեգա-3 ճարպաթթուների սննդի լավագույն աղբյուրներից են»,- ասել է սննդաբանը։
Քրոուլին նշել է, որ սեզոնային դեպրեսիայի դեպքում հաճախ նկատվում է վիտամին D-ի պակաս, ուստի այս վիճակի դեմ պայքարելիս օգտակար է ուտել ձկան ուտեստներ, որոնք շատ են պարունակում այս նյութը։
Նա նաև խորհուրդ է տվել ցուրտ սեզոնին ավելի հաճախ ուտել հատապտուղներ, քանի որ դրանք ակտիվացնում են ուղեղը, բարելավում են ճանաչողական գործառույթները և օգնում են հաղթահարել սթրեսը։
Քրոուլին նշել է, որ կտավատի սերմերն օհգտակար են հոգեկան առողջության պահպանման համար, հարուստ են օմեգա-3 ճարպաթթուներով: