Ֆրանսիայի նախագահ Էմանուել Մակրոնը Միացյալ Թագավորության խորհրդարանում  հայտարարել է, որ Լոնդոնն ու Փարիզը պետք է միասին դիմագրավեն աշխարհում աճող սպառնալիքներին և նվազեցնեն կախվածությունը Միացյալ Նահանգներից և Չինաստանից։

«Մի կողմից Չինաստանն է սուբսիդիաներով և արդար մրցակցության սպառնալիքով, մյուս կողմից՝ ԱՄՆ- ն, որն ավելի ու ավելի է հրաժարվում խաղալ ԱՀԿ կանոններով և առևտրային պատերազմներ է սանձազերծում»,- նշել է նա։

Ֆրանսիայի նախագահի խոսքով՝ Բրիտանիան և Ֆրանսիան պետք է կրկին աշխարհին ցույց տան, որ «մեր միությունը կարող է փոխել իրավիճակը դեպի լավը»։ 

Մակրոնը դարձել է առաջին եվրոպացի առաջնորդը, ով Բրեքսիթից հետո պետական այցով ելույթ է ունեցել բրիտանական խորհրդարանում։

Բրիտանական Վինձորի պալատում անցկացված ճաշի ընթացքում արքա Չարլզ III-ն առաջարկել է փոխարինել «Entente Cordiale»-ը՝ պատմական «սրտագին համաձայնությունը», նոր «Entente Amicale»-ով՝ «բարեկամական համաձայնությամբ»՝ ընդգծելով ապագայի փոխգործակցության նոր դարաշրջանը։