Շիրակի մարզի Մայիսյան բնակավայրում  մի քանի օր առաջ՝ հոկտեմբերի 12-ին, սպանության փորձ է կատարվել։ 17-րդ փողոցի բնակիչներից մեկը՝ Հ․Կ․-ն ահազանգել է ՀՀ ՆԳՆ ոստիկանության օպերատիվ կառավարման կենտրոն՝ հայտնելով, որ հարևանի դռան դիմաց իր ավտոմեքենան կայանելու պատճառով հարևանները՝ հայ ու որդի հարձակվել են իր  տան վրա, հայտնում է aravot.am-ը։

Զանգի ընթացքում հնչել են վիճաբանության ձայներ։ Դեպքի վայր մեկնած օպերատիվ խմբին Հ․Կ-ին որդին՝ Ա․Կ․-ն տեղեկացրել է,  որ նույն օրը ժամը 12․05 սահմաններում  հարևանները՝ հայր և որդի Զ․Մ-ն ու Հ․Մ․ն  կենցաղային հարցերի շուրջ վիճաբանել են իր ու հոր հետ, հնչեցրել սեռական բնույթի հայհոյանքներ, այնուհետ նստել են իրենց պատկանող բեռնատար «Կամազ» մակնիշի մեքենայի ղեկին  և վարել իրենց ուղղությամբ`փորձելով վրաերթի ենթարկել իրենց։

Հ․Կ-ն հաղորդում է ներկայացրել ոստիկանություն, հարևաններին՝ Զ․Մ-ն ու Հ․Մ․ հրավիրել են  Շիրակի մարզային քննչական վարչություն: