Նեպալում երկրաշարժի զոհերի թիվը հասել է 157-ի

Նեպալում երկրաշարժի զոհերի թիվը հասել է 157-ի, ևս 170 մարդ վիրավորվել է։ Հայտնել է Նեպալի ոստիկանության գլխավոր շտաբի մամուլի ծառայությունը X սոցիալական ցանցում։

Նեպալի ոստիկանությունն ավելի վաղ հայտնել էր, որ ակնկալում էր, որ գրանցված զոհերի թիվը կավելանա, քանի որ երկրաշարժից տուժած բնակավայրերից շատերի հետ կապը դժվար է եղել:

Նեպալի մոնիտորինգի և հետազոտական ​​կենտրոնը երկրաշարժ է գրանցել նոյեմբերի 3-ին տեղական ժամանակով 23:47-ին (Երևանի ժամանակով 22:02-ին): ԱՄՆ Երկրաբանական ծառայության տվյալներով՝ ուժգնությունը կազմել է 5,6 մագնիտուդ, Եվրոպական-միջերկրածովյան սեյսմոլոգիական կենտրոնի տվյալներով՝ 6,0։ Ստորգետնյա ցնցումները զգացվել են Նյու Դելիում՝ էպիկենտրոնից ավելի քան 800 կմ հեռավորության վրա։

Երկրաշարժի էպիկենտրոնը եղել է Յաջարկոտ շրջանում, որը Նեպալի մայրաքաղաք Կատմանդուից 400 կմ հեռավորության վրա է։