Դպրոցների շենքերը պետք է դառնան համայնքային կյանքի կենտրոն։ Երեխաների դասապրոցեսից հետո պետք է սկսվի մեծահասակների դասապրոցեսը՝ հանրային կյանքի։ Այստեղ դահլիճներ կան ժամանակակից, ինչը շատ ուրախալի է, կանանց տնտնեսական ակտիվացման թեմայով մենք պետք է ծրագրեր իրականացնենք, գյուղատնտեսության ոլորտի կառավարման թեմայով մենք պետք է ծրագրեր իրականացնենք։ Այս մասին այսօր Կառավարության հերթական նիստի ժամանակ ասաց ՀՀ վարչապետ Նիկոլ Փաշինյանը։ Նրա խոսքով՝ մշակութային ծրագրեր պետք է իրականացվեն դպրոցներում։
«Այսինքն, այդ գյուղերը, իսկապես, պետք է դարձնենք մի տեղ, որտեղ ապրելը իսկապես հարմարավետ է, հատկապես, գյուղեր կան, երբ այցելում ես, զարմանում ես, թե ինչքան գեղատեսիլ վայրեր կան, եկեք խոստովանենք, որ Հայաստանը որքան էլ փոքր է, վայրեր կան, որ մենք ինքներս մեզ համար չենք բացահայտել, որովհետև իսկապես դրախտավայր է մեր երկիրը, պարզապես մենք պետք է պատշաճ վերաբերմունք ցուցաբերենք դրա նկատմամբ»,-ասաց նա։
Մանրամասները՝ տեսանյութում