Այսօր՝ փետրվարի 22-ին, խոշոր ավտովթար է տեղի ունեցել Երևանում։ Այս մասին հայտնում է Shamshyan.com-ը։

Ժամը 18։00-ի սահմաներում Հրազդանի կիրճում բախվել են Երևանի բնակիչներ 64-ամյա Հուսիկ Հովսեփյանի վարած Nissan Tiida մակնիշի և 26-ամյա Ֆիլիպ Ղազարյանի վարած Toyota Camry մակնիշի ավտոմեքենաները։

Աղբյուրի հաղորդմամբ՝ վթարի հետևանքով երկու վարորդները օպերատիվորեն վթարի վայր ժամանած շտապօգնության բժիշկների կողմից նախ տեղում առաջին բուժօգնություն են ստացել, ապա տեղափոխվել են հիվանդանոց։

Երթևեկությունը նշված հատվածում ժամանակավորապես դադարեցվել է։

Վթարի փաստով Քննչական բաժնում նախաձեռնվել է վարույթ։