Դրամի փոխարժեքը՝ այսօր
Եղանակը՝ այսօր
Միջազգային

Ուկրաինան հերքել է Դուգինայի մահվան հարցում ուկրաինական գործոնը

Blog Image

Ուկրաինայի նախագահ Վոլոդիմիր Զելենսկիի գրասենյակի ղեկավարի խորհրդական Միխայիլ Պոդոլյակը մեկնաբանել է «Ռուսական աշխարհի» գաղափարախոս Ալեքսանդր Դուգինի դստեր՝ լրագրող Դարյա Դուգինայի մեքենայի պայթյունը`հերքելով ուկրաինական գործոնը։ Այս մասին նա խոսել է տեղեկատվական հեռուստամարաթոնի եթերում, հայտնում է УНИАН-ը։

«Ես ընդգծում եմ, որ Ուկրաինան, իհարկե, այս ամենի հետ կապ չունի, քանի որ մենք հանցագործ պետություն չենք, ինչպիսին Ռուսաստանի Դաշնությունն է, եւ առավել եւս՝ ահաբեկչական պետություն», - ասել է Պոդոլյակը։

Ինչպես ավելի վաղ տեղեկացրել էինք՝ մեքենայի պայթյունի հետեւանքով մահացել է լրագրող, քաղաքագետ Դարյա Դուգինան, ով շաբաթ օրը հոր՝ Ալեքսանդր Դուգինի հետ ներկա էր գտնվել «Ավանդույթ» հայրենասիրական փառատոնին։

Դարյա Դուգինայի մեքենայի պայթյունի փաստով քրեական գործ է հարուցվել՝ սպանության դեպքի առթիվ։

Send