Պարագվայում հինգ տարեկան տղայի թոքերից մետաղյա զսպանակ են հանել։ Ինչպես նշում է Daily Mirror-ը, երեխան երեք ամիս ապրել է մարմնի մեջ օտար առարկայի ունենալով։ Ծնողները հիվանդանոց են բերել իրենց հնգամյա որդուն մի քանի ամիս չդադարող հազից հետո, որն ի հայտ է եկել դեռևս 2022 թվականի դեկտեմբերին։ Երբ բժիշկները սկսել են փնտրել հիվանդության պատճառը, նրանք զարմացել են, երբ ռենտգենի վրա երեխայի ձախ թոքում մետաղական առարկա են հայտնաբերել։
Տղային նշանակել էին շտապ վիրահատություն, և 2023 թվականի մարտի 8-ին նրա մարմնից հաջողությամբ հեռացվեց մետաղական զսպանակ։ Վիրաբույժ Կառլոս Մորինիգոն պատմել է, որ պրոցեդուրան բարդացել է նրանով, որ զսպանակը երկար ժամանակ եղել է մարմնում։ Երեք ամսվա ընթացքում երեխայի շնչառական ուղիները զգալիորեն վնասվել են։
Այնուամենայնիվ, բժիշկները կարծում են՝ թոքերը կվերականգնվեն և կսկսեն գործել։: Հիվանդանոցը տղայի վիրահատությունից նկարներ է տեղադրել սոցիալական ցանցերում՝ հիշեցնելու ծնողներին, որ ցանկացած հիվանդություն, որը սովորականից երկար է տեւում, բժիշկ դիմելու պատճառ է:
Ամենայն հավանականությամբ, տեղի ունեցածի պատճառն այն է եղել, որ երեխան որոշ ժամանակ մնացել է մենակ, գրիչից կամ խաղալիքից գտել է զսպանակ ու դրել քթի մեջ։ Այնտեղից այն օդուղիներով իջել է թոքեր։