ՔՊ-ն առավել քան արժանի հետնորդ է գտել դիջեյ Էդոյին ԱԺ արտաքին հարաբերությունների հանձնաժողովի եւ ԵԱՀԿ ԽՎ-ում ԱԺ պատվիրակության ղեկավարի պաշտոնին։ Սարգիս Խանդանյանը ԵԱՀԿ ԽՎ-ում իր ելույթում ստորության ու անմեղսունակության նոր նշաձողեր է սահմանել։
Հայտարարելով, թե ինքն ավելի երիտասարդ է, քան Լեռնային Ղարաբաղի հակամարտությունը, եւ որպես երիտասարդ խորհրդարանական, որպես երիտասարդ որոշում կայացնող՝ չի ցանկանում հակամարտությունը ժառանգություն թողնել հաջորդ սերնդին, ջահել Սաքոն ներկայացրել է Արցախը հանձնելու «հիմնավորմանը»․
«Լեռնային Ղարաբաղի հարցը վերաբերում է Լեռնային Ղարաբաղի հայերի իրավունքներին ու անվտանգությանը, եւ այն պետք է լուծվի Բաքվի և Լեռնային Ղարաբաղի միջև միջազգայնորեն տեսանելի երկխոսության միջոցով»:
Նման ապուշությունները հնարավոր են երկու դեպքում՝ անմեղսունակության կամ ագենտուրային պարտավորությունների կատարման։ ՔՊ-ի պարագային, անշուշտ, գործ ունենք երկուսի հետ միաժամանակ՝ «անվտանգային միջավայրի մարտահրավերներին ասիմետրիկ պատասխանի եւ դնթ մակարդակում պետական համակարգի ինստիտուցիոնալացման» համատեքստում։ Դրա իմաստն արդեն մեկ սերնդի ընթացքում հայկական խնդիրներից ազատվելու եւ հայկական պետականության վերացման Քպ-ական պարտավորությունն է։
Աղբյուր՝ Lragir.am