ՀՀ ԱԳ փոխնախարար Վահան Կոստանյանն այսօր լրագորղների հետ զրույցում անդրադարձել է հայ-թուրքական ցամաքային սահմանի բացման գործընթացին:
«Մենք պատրաստ ենք հայ-թուրքական սահմանի բացմանը, այս մասով գնդակը գտնվում է թուրքական կողմում։ Պայմանավորվածությունները ձեռք են բերվել նախորդ տարվա հունիսին երկու երկրների հատուկ բանագնացների՝ Ռուբեն Ռուբինյանի և Սերդար Քըլըչի միջև։
Պայմանավորվածությունը վերահաստատվել է մի քանի անգամ, այդ թվում՝ բարձրագույն մակարդակով, ինչպես նաև երկրաշարժից հետո ԱԳ նախարար Արարտ Միրզոյանի Անկարա կատարած այցի ժամանակ։ Մենք պատրաստ ենք սահմանի բացմանը թե՛ երրորդ երկրների քաղաքացիների համար, թե՛ ընդհանուր առմամաբ։ Այս մասով գնդակը գտնվում է թուրքական կողմում»,- ասել է փոխարտգործնախարարը։