Իլհամ Ալիևն այսօր Շուշիում էր: Ինչը սպասելի էր՝ հաշվի առնելով օկուպացված Շուշիի նշանակությունն ու դերը Ալիևի համար ու, թերևս, հենց դրանով էլ 44-օրյա պատերազմի նման ավարտ ունենալը:
Ալիևյան հայտարարությունները, մուսկուլներով խաղը վերարտադրելու ցանկություն չունենք և չենք էլ պատարստվում՝ Շուշիի օկուպացվելու երկրորդ տարելիցն է: Բայց Ալիևը նույն հարթակից սպառնացել է նաև Իրանին, որի հետ վերջին շրջանում հարաբերությունները կտրուկ լարվել են: Որոշ վերլուծաբաններ անգամ չեն բացառում բախումները, թեև նշում, որ Ադրբեջանը, ամենայն հավանականությամբ, բացահայտ ու գլոբալ կոնֆրոնտացիայի Իրանի հետ կխուսափի գնալ... քանի դեռ իր թիկունքում կանգնածները «ֆաս» հրամանը չեն հնչեցրել:
Այսօրվա հայտարարություն-սպառնալիքը հետևյալն է.
«Նրանք, ովքեր մեր սահմաններին Հայաստանին աջակցելու համար զորավարժություններ են անում, պետք է իմանան՝ ոչ ոք մեզ չի կարող վախեցնել: Եթե որևէ մեկից վախենայինք, երբեք պատերազմը չէինք սկսի», – ասել է Ալիևը։
Հետևություններ պետք է անի Իրանը: