Խերսոնի ազատագրված աջ ափի բնակիչներին հորդորում են տարհանվել՝ հակառակորդի գնդակոծության մեծ հավանականության պատճառով։ Այս մասին Telegram-ում գրել է Խերսոնի շրջանային ռազմական վարչակազմի նախագահ Յարոսլավ Յանուշեւիչը։
«Խերսոնի շրջանի աջ ափում հակառակորդի գնդակոծության մեծ հավանականություն կա։ Ռուսական բանակը, անհուսության դեպքում սկսում է կռվել խաղաղ բնակիչների հետ։ Սա բազմիցս տեսել ենք ազատագրված բազմաթիվ բնակավայրերում»,- նշելԷ է նա։
Յանուշեւիչն ասել է, որ փախուստից առաջ ռուսաստանցիները լուրջ վնաս են հասցրել կարեւոր ենթակառուցվածքներին, որոնք ապահովում են շրջանի էլեկտրաէներգիան, ջերմությունը եւ ջուրը։
«Ուստի մենք խորհուրդ ենք տալիս տարհանվել դեպի ավելի ապահով շրջաններ։ Kherson OVA թիմը պատրաստ է օգնել ձեզ այս հարցում»,- նշել է նա եւ հորդորել կապվել «թեժ գծի» հետ եւ հնարավորինս լրջորեն վերաբերվել դրան։
Յանուշեւիչը ասել է նաեւ, որ Խերսոնում արդեն գործում է բջջային կապը։
«Կիեւսթարի LTE-ն արդեն գործում է քաղաքի կենտրոնում՝ Մարզպետարանի հարեւանությամբ գտնվող հրապարակում»,- գրել է նա։
Ինչպես հաղորդում է UNIAN-ը, նոյեմբերի 12-ի դրությամբ Ուկրաինայի զինված ուժերի զինծառայողներն արդեն վերահսկողություն են հաստատել Խերսոնի շրջանի 60 բնակավայրերի նկատմամբ։ Ընդհանուր առմամբ, շաբաթվա սկզբից Դնեպրի աջ ափին ապաշրջափակվել է 179 բնակավայր։
ДТЭК ընկերությունը՝ Херсоноблэнерго-ի հետ համատեղ արդեն սկսել է Խերսոնի եւ տարածաշրջանի էներգետիկ ենթակառուցվածքների վերանորոգումը։ Բացի այդ, երկու օրվա ընթացքում նախատեսվում է կենտրոններ տեղակայել ողջ Խերսոնում, որտեղ մարդիկ կարող են անվճար կապ ունենալ։
NEWS.am