Ձախակողմյան անկախ թեկնածու Քեթրին Քոնոլլին համոզիչ հաղթանակ է տարել Իռլանդիայի նախագահական ընտրություններում։ Միջազգային մամուլը գրում է, որ նրա մրցակից Հեզեր Համֆրիսը շաբաթ օրը կեսօրին ընդունել է իր պարտությունը, այն բանից հետո, երբ վաղաժամկետ հաշվարկը ցույց տվեց թեկնածուների միջև անհաղթահարելի տարբերություն։
«Քեթրինը կլինի մեզ բոլորիս նախագահը, և նա կլինի իմ նախագահը, և ես իսկապես կցանկանայի նրան մաղթել ամենայն բարիք», - ասաց Համֆրիսը։
Հաշվարկման կենտրոններում ոչ պաշտոնական, բայց սովորաբար հուսալի դիտորդների կողմից ստացված հաղորդագրությունները ցույց են տվել, որ Քոնոլլին քվեաթերթիկների երկու երրորդի հաշվարկից հետո հավաքել է ձայների 64%-ը։ 68-ամյա Քոնոլլին գրավեց շատ երիտասարդների ուշադրությունը և ուրբաթ օրվա ընտրություններում աջակցություն ստացավ ձախակողմյան ընդդիմադիր կուսակցությունների դաշինքի կողմից։