Եվրոպայում գազի բորսայական գները, ըստ «Գազպրոմ»-ի պահպանողական գնահատականների, աշուն-ձմեռ ժամանակահատվածի գագաթնակետին (ԱՁԺ) կարող են գերազանցել 4000 դոլարը հազար խորանարդ մետրի համար, Նավթի եւ գազի արդյունաբերության աշխատողների օրվան նվիրված կոնֆերանսի ժամանակ ասել է ընկերության ղեկավար Ալեքսեյ Միլլերը։
«Գազի գինը 1000 խ/մ-ի համար պարբերաբար գերազանցում է 3000 դոլարը։ Մենք «Գազպրոմ»-ում գների կանխատեսումներ ենք արել գալիք ձմեռվա համար։ Եվ, գիտեք, ըստ պահպանողական գնահատականի, շուկայում առկա միտումները պահպանելու դեպքում աշուն-ձմեռվա առավելագույնի գագաթնակետին գինը կարող է գերազանցել 4000 դոլարը 1000 խ/մ-ի համար»,- ասել է Միլլերը:
Եվրոպայում գազի բորսայական գները մոտեցել են ռեկորդային մակարդակի՝ Ռուսաստանից կապույտ վառելիքի սահմանափակ մատակարարումների ֆոնին, վկայում են Լոնդոնի ICE բորսայի եւ գազի փոխադրման օպերատորների տվյալները։
Սեպտեմբերին մատակարարվող գազի ֆյուչերսների հաշվարկային գինը օգոստոսի 26-ին (ըստ TTF-ի) կազմել է 3507,3 դոլար, ինչը ռեկորդային արժեք է Եվրոպայում գազային հանգույցների շահագործման ողջ ժամանակահատվածի համար՝ սկսած 1996 թվականից: Շաբաթվա ցուցանիշն աճել է մոտ 1000 դոլարով կամ գրեթե 40 տոկոսով։ Միեւնույն ժամանակ, ուրբաթ օրը գազի գնանշումներն այս պահին հասել են 3525,9 դոլարի եւ եւս մեկ քայլ են կատարել 3892 դոլարի պատմական առավելագույնի թարմացման ուղղությամբ։ Սակայն օգոստոսի 29-ից սկսած գները սկսել են նվազել, օգոստոսի 31-ի սակարկումներում հոկտեմբերի մատակարարման մոտակա ֆյուչերսների արժեքը իջել է գրեթե 2400 դոլարի։