Համաշխարհային հանրությունը պետք է դիտարկի Սիրիայի դեմ որոշ պատժամիջոցների վերացման հարցը, որպեսզի այդ երկրի նոր իշխանություններին մղի կառավարման ժողովրդավարական համակարգ կառուցելու, Դավոսում հայտարարել է ՄԱԿ-ի գլխավոր քարտուղար Անտոնիու Գուտերեշը։
«Կարծում եմ, որ կարող է բարի կամքի որոշակի ժեստ արվել պատժամիջոցների ոլորտում, որպեսզի Սիրիան ճիշտ ուղղությամբ շարժվելու մղում ունենա»,- ասել է նա։
Գուտերեշի խոսքով՝ Սիրիայի նոր ղեկավարությունը հնարավորություն ունի ստեղծել կառավարման այնպիսի համակարգ, որը հաշվի կառնի երկրի բոլոր բնակիչների, այդ թվում՝ ալավիների ու քրդերի շահերը։
Նրա կարծիքով՝ եթե դրան հնարավոր չլինի հասնել, ապա դե ֆակտո միասնական Սիրիա չի լինի։