Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Աչք մի փակեք մարդկության դեմ ուղղված այս աղաղակող հանցագործության վրա». Արկադի Դումիկյանի կոչը (տեսանյութ)

Blog Image

Հայտնի երգիչ Արկադի Դումիկյանը Լեռնային Ղարաբաղում ստեղծված իրավիճակով պայմանավոված` դիմել է միջազգային հանրությանը:

Նա հիշեցրել է, որ արդեն կես տարուց ավելի է, ինչ Լեռնային Ղարաբաղում հումանիտար աղետ է:

«2022 թվականի դեկտեմբերի 12-ից փակ է Լաչինի միջանցքը՝ Արցախը (Լեռնային Ղարաբաղը) Հայաստանի և մնացած աշխարհի հետ կապող միակ ճանապարհը։ 120.000 հայեր հերոսաբար պայքարում են իրենց տներում ապրելու իրավունքի համար՝ չնայած վառելիքի, բժշկական օգնության, հիգիենայի պարագաների, սննդի և այլնի բացակայության։

30 000 երեխա, 20 000 ծեր, 9000 տարբեր կարգի հաշմանդամություն ունեցող անձ, 2000 հղի կին ստիպված է ապրել անմարդկային պայմաններում։  Այս ամենը տեղի է ունենում 21-րդ դարում` ողջ համաշխարհային հանրության աչքի առաջ։

Ես կոչ եմ անում քաղաքակիրթ աշխարհին և, մասնավորապես, ՄԱԿ-ին` աչք չփակել մարդկության դեմ ուղղված այս աղաղակող հանցագործության վրա և միջոցներ ձեռնարկել` հնարավորինս արագ ապաշրջափակելու կյանքի ճանապարհը»,- «Ինստագրամ»-ի իր էջում նշել է Դումիկյանը:

 

Send