Հազարավոր իսրայելցիներ դուրս են եկել փողոց, խարույկ վառել․ նրանց դեմ ջուր ու փրփուր է կիրառվել (կադրեր)

Տասնյակ հազարավոր իսրայելցներ դուրս են եկել փողոց՝ պահանջելով ազատ արձակել ՀԱՄԱՍ-ի կողմից գերեվարվածներին ու զինադադարի համաձայնություն կնքել:

Բողոքի զանգվածային գործողությունները բռնկվել են այն բանից հետո, երբ իսրայելցի զինվորականները Գազայի հատվածում հայտնաբերել են 6 պատանդի դի։    

Ցուցարարները դրոշներով անցել են երկրի խոշոր քաղաքների, այդ թվում՝ Թել Ավիվի և Երուսաղեմի կենտրոններով։ Նրանք խարույկներ են վառել փողոցներում։ Իրավապահները ջուր ու փրփուր են կիրառել ակցիայի մասնակիցների դեմ։

Նրանք երկրի վարչապետ Բենյամին Նեթանյահուին, կառավարությանը մեղադրում են ՀԱՄԱՍ-ի հետ գործարք կնքելու համար ոչ բավարար ջանքեր գործադրելու համար։

Տեսանյութերն այստեղ