Ադրբեջանցիներին չեն հետաքրքրում հանքավայրերը, նրանք ուղղակի ցանկություն ունեն հպատակեցնելու Արցախն ու արցախցիներին, բայց ես վստահ եմ՝ դա նրանց չի հաջողվելու։ Այդ մասին MediaHub.am-ի հետ զրույցում ասաց ՀՀ երրորդ նախագահ Սերժ Սարգսյանը։
Նրա խոսքով՝ պատմության ընթացքում եղել են բազմաթիվ դեպքեր, երբ արցախցիները ցուցաբերել են բացառիկ կամք՝ վտանգներին դիմակայելու։ Այս անգամ էլ են դիմակայելու, բայց թե ինչ գին ենք վճարելու, դա է հարցական։
«Արցախցիներից է ամեն ինչ կախված։ Ակնհայտ է, որ որևէ հույս Հայաստանի կառավարիչներից չի կարող լինել։ Բայց մենք երևի վերջին անգամ երեսուն տարի առաջ ենք ունեցել այդպիսի կամք, կարծում եմ՝ այդ կամքը չի կորել»,- նշեց նա։
Ըստ երրորդ նախագահի՝ որևէ մեկը մեր փոխարեն չի կարող հարց լուծել։
«Այո, մենք ունենք բարեկամներ, բայց իրենք պիտի իրենց պայմանագրային պարտավորությունները կատարեն, եթե մենք դա անենք։ Ինչո՞ւ պիտի մեր փոխարեն հարց լուծեն։ Ոչ ոք չի կարող մեր փոխարեն լուծել խնդիրը»,- նկատեց Սերժ Սարգսյանը։
Նրա խոսքով՝ ՀՀ կառավարիչները չեն կարող լուծել Արցախի ճակատագիրը, նրանք չեն կարող վճռել՝ ինչ է լինելու։
Մանրամասները՝ տեսանյութում։