Նովոսիբիրսկի մարզի Չուլիմ գյուղում հինգ տարեկան երեխան ալկոհոլից թունավորվելուց հետո ընկել է կոմայի մեջ. հայտնում է Mash Telegram ալիքը։

Տղան չորսամյա քրոջ հետ ապրել է դիսֆունկցիոնալ ընտանիքում, որտեղ մայրն ու հայրն անընդհատ խմել են։ 

Ծնողների դեմ արդեն բողոք է ներկայացվել անչափահասների գործերով բաժին, դատախազություն, սակայն երեխաները չեն տեղափոխվել։

Ավելի ուշ երեխաներին վերցրել են և երկու ամիս ժամանակ են տվել բնակարանը մաքրելու համար, սակայն նրանք շարունակել են խմել երեխաների գումարով, պատմել է մեծ մորաքույրը։

Այնուհետև հայրն ու մայրը  տղային տվել են տատիկին, ով նույնպես չարաշահել է ալկոհոլը։ Տղան կորցրել է գիտակցությունը և ընկել կոմայի մեջ։

Բժիշկները երեխայի մոտ ալկոհոլային թունավորում և հյուծվածություն են ախտորոշել։ Տղայի քրոջը տեղափոխել են վերականգնողական կենտրոն:

Դեպքից հետո խնամակալական մարմինը մտադիր է երեխաներին երեք ամսով խլել ծնողներից, ասել է ազգականներից մեկը։

Իրադարձություններին արագ հետևելու համար միացեք MediaHub-ի տելեգրամյան ալիքին https://t.me/MediaHub1world