Հնդկաստանում մարդատար և բեռնատար գնացքների բախման հետևանքով զոհերի թիվն աճում է․ այս պահին կա մոտ 300 զոհ և ավելի քան 900 վիրավոր․ հաղորդում է euronews-ը։
Հիշեցնենք, որ ողբերգությունը տեղի է ունեցել ուրբաթ երեկոյան՝ երկրի արեւելքում գտնվող Օդիշա նահանգի Բալասորե քաղաքի մոտ։ Երկաթուղային տրանսպորտի նախարարության ներկայացուցչի խոսքով՝ մարդատար գնացքի 10-12 վագոն դուրս է եկել ռելսերից և հայտնվել հարակից գծի վրա։
Արդյունքում մարդատար գնացքի մեջ մխրճվել է մեկ այլ գնացք, որի հետևանքով երեք վագոն ռելսերից դուրս է եկել։ Դրանից հետո, ինչպես ասում են հնդիկ պաշտոնյաները, հերթական բախումն է եղել, այս անգամ բեռնատար գնացքի հետ, որը կանգնած է եղել գծերի վրա։
Տեսանյութն՝ այստեղ