«ՏաԹևեր» ճոպանուղին՝ աշխարհի ամենաերկար ճոպանուղին (5752 մ), կրկին ներկայացվել է World Travel Awards մրցանակի («Աշխարհի լավագույն ճոպանուղի 2023» անվանակարգում): Նախորդ անգամ այն հաղթանակ էր տարել 2021 թվականին։ 

Այս անվանակարգում «ՏաԹևեր» ճոպանուղին մրցում է Բոլիվիայի, Բրազիլիայի, Վիետնամի, Կանադայի, Նոր Զելանդիայի, ԱՄՆ-ի և Հարավային Աֆրիկայի ճոպանուղիների հետ:

Հիշեցնենք՝ ճոպանուղու նախագիծն իրականացվում է բարերար, Արցախի նախկին պետնախարար Ռուբեն Վարդանյանի և նրա տիկնոջ՝ Վերոնիկա Զոնաբենդի կողմից գործարկված «Տաթևի վերածնունդ» ծրագրի շրջանակում: