Մամուլում շրջանառվում էին լուրեր, թե նոյեմբերի 23-ին, ՌԴ նախագահի այցին ընդառաջ, Արցախում գործող մի շարք ՀԿ-ներ, չի բացառվում նաեւ պատգամավորներ ՌԴ դեսպանատան միջոցով նամակ փոխանցեն Վլադիմիր Պուտինին անսալով, որ նա տեր կկանգնի Արցախի մնացած հատվածին։
Թե ովքե՞ր են նամակի հեղինակները և ի՞նչ բովանդակություն ունի այն, MediaHub.am-ը փորձեց ճշտել Արցախի «Արդարություն» խմբակցության պատգամավոր Մետքասե Հակոբյանից։ Վերջինս ընդգծեց, որ առաջին անգամ է լսում նամակի գաղափարի մասին։
«Չգիտեմ, թե ինչ նամակի մասին է խոսքը, շրջանակներին էլ ծանոթ չենք։ Եթե հաստատ որոշված է, որ պետք է նամակ ուղղեն ՌԴ նախագահին, համնայնդեպս այդ պատգամավորների ցանկում մենք հաստատ չենք լինի։ ԱԺ-ն չկա այդտեղ և չգիտեմ՝ արցախցի ասելով ո՞ւմ նկատի ունեն»,-ասաց նա։
Հիշեցնենք, Վլադիմիր Պուտինը Երևան է ժամանելու ՀԱՊԿ Հավաքական անվտանգության խորհրդի նստաշրջանին մասնակցելու նպատակով:
Լիաննա Թորոսյան