Փարաքարում հունիսի 18-ին սպանված 42-ամյա կինը դերասան, ռեժիսոր Տիգրան Նալչաջյանի քույրն է։
Դերասանը ֆեյսբուքյան իր էջում գրել է․
«Իմ սիրելի քույրիկի` Նվարդի հոգեհանգիստը տեղի կունենա վաղը` հունիսի 22-ին, Սան Լազարո սգո սրահում։ Հասցեն` Լուկաշինի 152/1»։
Հիշեցնենք, որ օրերս 18-ամյա երիտասարդը կպչուն ժապավենով կապել էր կնոջ ձեռքերը, ոտքերը և բերանը, մեքենայով նրան տեղափոխել Փարաքար համայնքի գերեզմանատանը հարակից տարածքում գտնվող, չշահագործվող քարի արտադրամաս։ Դին հրելով գցել էր տարածքում առկա ձորակը, քարերով ծածկել և, վերցնելով կնոջ բջջային հեռախոսը, վերջինիս ավտոմեքենայով հեռացել այդ վայրից։