Այսպիսի տեսք ունի Վրաստանի խորհրդարանի շենքը Ռուսթավելի պողոտայում գիշերային բողոքի ցույցից հետո։
Այժմ այստեղ հանգիստ է, ոստիկանությունը հսկում է տարածքը, հայտնել է «Sputnik Georgia»-ի թղթակիցը։
Վրաստանում հատուկ ջոկատայինները ջրցան մեքենաների միջոցով հետ էին մղել ցուցարարներին ու ցրել ցույցը։
Երևանի ժամանակով առավոտյան ժամը 7-ին Ռուսթավելի պողոտայում ցուցարարներ չէին մնացել։
Թբիլիսիում գիշերային ցույցերի ժամանակ ոստիկանությունը բերման է ենթարկել 107 մարդու, տուժել է իրավապահ մարմինների 10 աշխատակից։
Ձերբակալվածները մեղադրվում են ոստիկանության հրահանգներին չենթարկվելու, մանր խուլիգանության և վարչական իրավախախտումների համար։ Ցրելու ընթացքը տեւել է գրեթե 7 ժամ։ Անվտանգության ուժերը ցուցարարներին մղել են դեպի մետրոյի Ռուսթավելի կայարան, որտեղ զանգվածային ձերբակալություններ են եղել։
Ռուսթավելիում վաղ առավոտից կոմունալ ծառայություններ են գործում։ Ապամոնտաժում են մնացորդները բարիկադների, որոնք ցուցարարները կառուցել էին նստարաններից, աղբամաններից, էլեկտրական սկուտերներից և այլ իրերից։