«Ֆորմուլա 1»-ի նախագահ Ստեֆանո Դոմենիկալին ասել է, որ Ռուսաստանում այլևս երբեք մրցումներ չեն անցկացվի։
«Փողը միշտ կարևոր է, այդ թվում մեզ համար: Բայց սա միակ գործոնը չէ, որին մենք ուշադրություն ենք դարձնում։ Եթե մտածեինք միայն բանկային հաշիվը համալրելու մասին, օրացույցը բոլորովին այլ կլիներ։ Այնպես որ Սոչիում մրցարշավներն այլևս չեն մտնում մեր ծրագրերի մեջ: Ես միշտ կողմնակից եմ եղել, որ երբեք չասես՝ երբեք, բայց այս դեպքում վստահաբար կարող եմ խոստանալ՝ մենք այլևս չենք բանակցելու ռուսների հետ, և Ռուսաստանում այլևս մրցարշավ չի լինի», – մեջբերում է Domenicali-ն գերմանական Bild հրատարակությունը։
Մարտի սկզբին «Ֆորմուլա 1-ը» խզեց պայմանագիրը Ռուսաստանի հետ՝ Ուկրաինայում ստեղծված իրավիճակի պատճառով։ Ռուսաստանի Գրան Պրին պետք է կայանար 2022 թվականի սեպտեմբերի 25-ին Սոչիի ավտոդրոմում։