Ինչպես է չիլի պղպեղն օգտակար սրտի առողջության համար, ինչպես է կծու համեմունքն ազդում երկարակեցության վրա։

Այս համեմունքն ամբողջ աշխարհում ավելացվում է ճաշատեսակների մեջ, այն դարձել է յուրաքանչյուր խոհարարի կյանքի անբաժանելի մասը։ Գիտնականները բազմիցս հաստատել են դրա օգտակար հատկությունները և ևս մեկ անգամ ապացուցել, որ այն իսկապես բուժիչ է։ Գիտնականների վերջին հետազոտությունները մի քանի հետաքրքիր փաստեր են բացահայտել սրտանոթային առողջության համար պղպեղի իրական բուժիչ հատկությունների մասին, գրում է Skeptical Raptor-ը։

Գիտնականներն ուսումնասիրել են չիլի պղպեղի կանոնավոր օգտագործման հնարավոր օգուտները: Այս փորձին մասնակցել է ավելի քան 23000 մարդ, որոնց հանձնարարվել է պահել սննդի օրագիր՝ հետևելու իրենց համեմունքների ընդունմանը: Ստացված տվյալների հիման վրա մարդկանց բաժանել են խմբերի՝ շատ քիչ պղպեղ ուտողներ, շաբաթական 2 անգամ ուտողներ, շաբաթական 4 անգամ ուտողներ և շաբաթական 4 անգամից ավելի ուտողներ։

Մարդիկ, ովքեր շաբաթական 2 անգամից ավելի են կերել պղպեղ, իրենց կյանքի տեւողությունը մեծացրել են 8,2 տարով` համեմատած նրանց, ովքեր այն չեն ուտում կամ շատ հազվադեպ են ուտում: Սա կախված չէր մարդկանց տարիքից կամ ուտելու սովորություններից, հաշվի է առնվել նաև սեռը և օրական օգտագործվող կալորիաների քանակը։

Հետազոտությունները ցույց են տվել, որ նրանք, ովքեր կանոնավոր կերպով ուտում էին չիլի պղպեղ, մահացության ռիսկը 23%-ով նվազեց՝ անկախ պատճառներից: Օրինակ՝ սրտի հիվանդություններից մահացության ռիսկը նվազել է 34%-ով։ Սակայն համեմունքն ուտելը չի ​​ազդել քաղցկեղի զարգացման վրա։

Գիտնականները համեմատել են այս հետազոտությունները մյուսների հետ և պարզել, որ կծու մթերքների օգտագործումը ուղղակիորեն կապված է մահացության ռիսկի նվազեցման հետ: Դրա համար պատասխանատու է կծու պղպեղի մեջ հայտնաբերված գաղտնի բաղադրիչը՝ կապսաիցինը։ Բացի այն, որ այս միացությունը տալիս է կծու համ, այն նաև բարենպաստ ազդեցություն է ունենում սրտանոթային համակարգի ամրապնդման վրա։