Penn State College of Medicine-ի գիտնականները պարզել են, որ շաբաթական առնվազն մեկ անգամ երեխաների սննդակարգում ձուկ ավելացնելը նվազեցնում է նյարդային զարգացման հետաձգման վտանգը:
Գիտական աշխատանքի արդյունքները հրապարակվել են Microorganisms ամսագրում։
Հետազոտությանը մասնակցել են 6 և 12 ամսական 142 նորածիններ և նրանց մայրերը:
Մեծահասակները պատասխանել են երեխաների սնուցման ստանդարտացված հարցաթերթիկին, և վեց ամսական նորածիններից վերցվել են թուքի նմուշներ և չափվել բերանի խոռոչի տարբեր բակտերիաների ակտիվության մակարդակը:
Բացի այդ, մայրերը նշել են այնպիսի հմտությունների զարգացում, ինչպիսիք են վազքը, խոսքը և սոցիալական փոխազդեցությունը, երբ իրենց երեխան հասել է 18 ամսականին:
Գիտնականների խումբը պարզել է, որ նյարդային զարգացման հետաձգումները կապված են 12 ամսական երեխաների մոտ ձկան սպառման բացակայության հետ: Հետաձգված նյարդային զարգացումը կապված է նաև թքի երկու միկրոբների՝ Candidatus gracilibacteria-ի և Chlorobi-ի ակտիվության բարձրացման հետ:
Գիտնականներն ասում են, որ մանրէների բազմազանությունը կարող է կարևոր լինել նյութափոխանակության և այն հիմնական սննդանյութերի կլանման համար, ինչպիսիք են ձկների մեջ հայտնաբերված երկար շղթայական պոլիչհագեցած ճարպաթթուները: