Դամասկոսում Իրանի դեսպանատան տեխնիկական աշխատակից է սպանվել դեկտեմբերի 15-ին իր մեքենայի վրա ահաբեկիչների հարձակման հետևանքով։ Այս մասին հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային։
«Կիրակի օրը՝ դեկտեմբերի 15-ին, ահաբեկչական տարրերը գնդակոծել են Դամասկոսում Իրանի դեսպանատան աշխատակից Սեյյեդ Դաուդ Բիթարաֆի ավտոմեքենան, ինչի հետևանքով նա սպանվել է», - ասվում է Իրանի ԱԳՆ-ի հաղորդագրության մեջ, հայտնել են ԶԼՄ-ները։
Դիվանագետն ընդգծել է, որ «այս հանցագործության մեղավորներին գտնելու, հետապնդելու և պատժելու պատասխանատվությունը կրում է Սիրիայի անցումային կառավարությունը» և որ «արտաքին գործերի նախարարությունը լրջորեն ուսումնասիրում է այդ հարցը»։
Դեկտեմբերի 8-ին Սիրիայում իշխանության եկած զինված խմբավորումների ներկայացուցիչները ներխուժել էին Իրանի դեսպանատուն։