Երևան-Սեւան ավտոճանապարհին՝ Չարենցավան քաղաքի մոտակայքում քիչ առաջ տեղի է ունեցել մահվան ելքով ճանապարհատրանսպորտային պատահար։ 

Մեքենան ընկել է ձորը, նախնական տվյալներով կա 1 զոհ եւ 1 տուժած։ Դեպքի վայրում այս պահին աշխատում են ՀՀ ՆԳՆ փրկարար ծառայության աշխատակիցները, մեկնել 1 մարտական հաշվարկ։
Ավելի ուշ պարզվել է, որ Ֆանտան գյուղի ցուցանակի մոտ «BMW»  37SG139 պետհամարանիշով ավտոմեքենան դուրս է եկել ճանապարհի երթևեւեկելի մասից եւ մոտ 50 մ ընկել ձորը։ Ավտոմեքենայի մոտ հայտնաբերվել է վարորդի՝ Նորայր Մ․-ի (ծնվ․ 1985թ․) դին։