«Մեծ յոթնյակի» երկրները մտադիր են մինչև դեկտեմբերի 5-ը Ռուսաստանից արտահանվող նավթի գնի սահմանափակման մեխանիզմ ստեղծել, հայտնում է Reuters-ը։
«Նպատակը հարմարվելն է այն ժամկետներին, որոնք արդեն իսկ սահմանել է Եվրամիությունը։ Մենք ցանկանում ենք, որ միաժամանակ գործի գների սահմանաչափի մեխանիզմը»,- ասել է աղբյուրը:
Բացի դրանից, «Մեծ յոթնյակի» երկրները ցանկանում են սահմանափակել Ռուսաստանից նավթի գնի շեմը, որպեսզի այն գերազանցի արտադրության ինքնարժեքը, բայց միևնույն ժամանակ ցածր լինի ընթացիկ շուկայական գներից։