Այսօր՝ հոկտեմբերի 16-ին առեղծվածային դեպք է տեղի ունեցել Երևանում: Ժամը 05:00-ի սահմաններում ՀՀ ներքին գործերի նախարարության փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ Ավան վարչական շրջանում՝ Խուդյակով փողոցում՝ «Երևան Սիթի» սուպերմարկետի հարևանությամբ ավտոմեքենաներ են այրվում:  

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել է Երևանի թիվ 11 հրշեջ-փրկարարական ջոկատից 1 մարտական հաշվարկ:

Տեղում պարզվել է, որ դեռևս անհայտ հանգամանքներում հրդեհ է բռնկվել կայանված վիճակում գտնվող «BMW X5» մակնիշի ավտոմեքենայում, որի պատճառով էլ կրակը տարածվել էր ու հրդեհվել էր կայանված վիճակում գտնվող «Toyota Camry» մակնիշի ավտոմեքենան:  

Մինչ հրշեջների ժամանումը՝ կրակի տարածման դեմ պայքարել են քաղաքացիները, ապա հրեջները մարել են այն:

«BMW»-ն ու «Toyota»-ն դարձել են ոչ շահագործելի:  

Օպերատիվորեն դեպքի վայր է ժամանել ոստիկանության Ավանի բաժանմունքի հերրթապահ խումբը՝ օրվա պատասխանատու հերթապահի գլխավորությամբ:

Տեղի ունեցածը անզգուշությա՞ն հետևանքով է եղել, թե՞ հրկիզման, պարզվում է: