Ուկրաինայի հարցում արևմտյան երկրների ներկայիս դիրքորոշումն է՝ անտեսել Ռուսաստանի դիրքորոշումը և ակնկալել, որ Ռուսաստանի Դաշնությունը կապիտուլյացիայի կենթարկվի, բայց դա տեղի չի ունենա։ Այս մասին լրագրողներին ասել է ՌԴ ԱԳ նախարար Սերգեյ Լավրովը։
«Բոլորը չեն լսում ու շարունակում են կոչ անել մեզ, որ կառուցողական մոտեցում ցուցաբերենք։ Եվ դա, ըստ էության, հիմա նշանակում է կապիտուլյացիա։ Դա տեղի չի ունենա, հատուկ ռազմական գործողության բոլոր նպատակները կիրականացվեն, դրանում կասկած չկա»,- ասել է նախարարը։