Ռեջեփ Թայիփ Էրդողանն ասել է, որ այս պահին իրեն շատ ավելի լավ է զգում՝ ստամոքսի գրիպով հիվանդանալուց հետո։
«Հիմա, փառք Աստծո, շատ ավելի լավ եմ»,- ասել է նա՝ պատասխանելով CNN Turk-ի թղթակցի իր վիճակի մասին հարցին։
Նախագահը նաեւ հեռուստաալիքի աշխատակցին ասել է, որ «ավելի շատ կաշխատի»։
Ավելի վաղ հայտնել էինք, որ թուրքական հեռուստաալիքին տված հարցազրույցի ժամանակ նախագահ Թայիփ Էրդողանի առողջական վիճակը կտրուկ վատացել էր, ինչից հետո խուճապ տարածվեց։
Հետաձգվել էին մի շարք հանրային միջոցառումներ, որոշներին էլ Էրդողանը մասնակցեց առցանց։
Հիշեցնենք, որ Ստամբուլում մեկնարկեց TEKNOFEST փառատոնը, որին մասնակցելու համար Թուրքիա էր ժամանել նաև Ադրբեջանի նախագահը՝ տիկնոջ հետ։
Էրդողանը TEKNOFEST փառատոնին ժամանել է թուրքական TOGG էլեկտրամեքենայով։ Ղեկին եղել է Ադրբեջանի նախագահ Իլհամ Ալիևը։