Պատգամավոր Գեղամ Մանուկյանը հանցագործության մասին հաղորդում է ներկայացրել ՀՀ գլխավոր դատախազին, այս մասին ասել է անձամբ նա «Armenia Sputnik»–ի հետ զրույցում։
«Արդեն մեկ շաբաթ է` իրավապահներն առգրավել են իմ բջջային հեռախոսը, ինչը թույլատրված չի եղել դատարանի որոշմամբ։ Այն պարունակում էր անձնական և պատգամավորական գործունեության հետ կապված տեղեկատվություն»,- ասել է պատգամավորը։
«Մի քանի անգամ փորձ եմ արել Քննչական կոմիտեի հետ խոսել, որևէ կերպ հնարավոր չի եղել կապ հաստատել։ Ներկայացել եմ, թողել եմ հեռախոսահամարս։ Ստիպված հաղորդում ներկայացրեցի գլխավոր դատախազի անունով, թեև շատ էլ ակնկալիք չունեմ, քանի որ օրերս ԱԺ-ում ՔՊ-ի հերթական փողոցային խուժանության պահին գլխավոր դատախազը դահլիճում էր, բայց որևէ քայլ չձեռնարկեց»,- նշել է Մանուկյանը։