ՆԱՏՕ-ի գլխավոր քարտուղար Յենս Ստոլտենբերգն ակնկալում է, որ Թուրքիայի խորհրդարանը կարճ ժամանակում կվավերացնի Ֆինլանդիայի և Շվեդիայի՝ ՆԱՏՕ-ին անդամակցելու հայտերը։ Այդ մասին Ստոլտենբերգը խոսել է NTV հեռուստաալիքին տված հարցազրույցում՝ ամփոփելով Թուրքիա կատարած իր եռօրյա այցի արդյունքները։
Ստոլտենբերգը նշել է, որ այցի ընթացքում քննարկման հիմնական թեմաներից է եղել Հյուսիսատլանտյան դաշինքին Ֆինլանդիայի և Շվեդիայի անդամակցության հարցը։
«Եկել է Ֆինլանդիային և Շվեդիային դաշինքի կազմ ընդունելու ժամանակը։ Ակնկալում եմ, որ Թուրքիան ամենակարճ ժամկետում կվավերացնի ՆԱՏՕ-ին անդամակցելու վերաբերյալ նրանց դիմումները»,- ասել է Ստոլտենբերգը։
Նա հավելել է, որ Ֆինլանդիայի և Շվեդիայի՝ ՆԱՏՕ-ին անդամակցելուց կշահի ինչպես դաշինքը, այնպես էլ Թուրքիան։