ՀՀ Գլխավոր դատախազ Աննա Վարդապետյանի հրամանով զբաղեցրած պաշտոնից ազատվել է Գեղարքունիքի մարզի դատախազ, արդարադատության առաջին դասի խորհրդական Էդուարդ Հարությունյանը։
Սա, թերևս, Վարդապետյանի առաջին ու վերջին պաշտոնից ազատման դեպքը չէ։ Նշանակման պահից նա կադրային ջարդ սկսեց դատախազությունում՝ իր համար «անցանկալի անձանց» «ցանկալի անձանցով» փոխարինելով։
Նշենք, որ խոսակցություններ կային նաև, որ ՀՀ գլխավոր դատախազի տեղակալ Գևորգ Բաղդասարյանը նույնպես կհեռանա դատախազությունից, սակայն, ըստ մեր տեղեկությունների՝ Վարդապետյանը ցանկանում է, որ Բաղդասարյանն իր կամքով դիմում գրի։ Ավելի վաղ, Բաղդասարյանը MediaHub.am-ին ասել էր, որ ազատման դիմում չի գրելու։
Լիաննա Թորոսյան