«2019 թվականից սպաներին բնակարան հատկացնելու ծրագիրն այլևս չի գործում, և մինչ օրս ՊՆ-ն փորձում է լուծել այն մարդկանց խնդիրները, ովքեր տարիներ շարունակ եղել են հերթագրման հերթերի մեջ»,-այս մասին «Հարցնում է քաղաքացին» հաղորդաշարի ժամանակ ասաց ՀՀ պաշտպանության նախարար Սուրեն Պապիկյանը` պատասխանելով նախկին սպայի հարցին։
Նախարարի խոսքով՝ միակ լուծումը, որ կարող է առաջարկել նախարարությունը, ԶՈւ կրկին վերադառնալն է և հնարավորություն ունենալ օգտվել զինծառայողներին հիպոտեկային արտոնյալ ծրագրից։
Պապիկյանը հայտարարեց, որ պահեստազորի սպաները կարող են վերադառնալ ծառայության ՀՀ պաշտպանության նախարարի հրամանով սահմանված որոշակի զորամասերում՝ պահպանելով զինվորական կենսաթոշակ ստանալու իրավունքը: