Երևանում ասողը Երևան քաղաքի ընտրողն է և ուրիշ ասող չկա ու չի էլ լինի։ Այս մասին այսօր Երևանի քաղաքապետարանի դիմաց անցկացվող հանրահավաքի ժամանակ ասաց ՀՀ վարչապետ Նիկոլ Փաշինյանը։
«Բա հարցեր եք բարձրացնում, բա մեղադրանքներ եք հնչեցնում, բա գնայիք, նայեիք ՔՊ ներկայացուցչի աչքերին ու շպցնեիք ասելիքդ։ Բայց դուք աչքերի մեջ նայել չգիտեք, որովհետև չեք կարող, որովհետև բարոյական փասխականները չեն կարող նայել ուրիշների աչքերի մեջ։ Վախենում եք գնալ բանավեճի, որովհետև կպարզվի, որ ուրիշի ձայնով եք խոսում, որ ուրիշի գրած սցենարով եք խաղում։ Մեզ էլ ասում են նախկիններից չեք տարբերվում, բա դուք չեք տարբերվում, բա նախկինը ոնց է լինում։ Զրո ձայն հավաքող թեկնածու չի լինելու, ժողովուրդ, բանավեճին գնալով ամեն թեկնածուին հարգում ենք»,-ասաց նա։
Փաշինյանը նաև անդրադարձավ մեկ ուրիշ թեկնածուի, որը ևս չի գնացել բանավեճին։ «Երևանցիներին կոչ է անում, թե բա ձեր քվեներով կրակեք, բա գնայիր բանավեճի, բանավեճում քո խոսքով կրակեիր, դու ուրիշներին կրակելու կոչ ես անում ու փախնում քաղաքական դուելից, այ վախկոտ դասալիք։ Ու ընդհանրապես խորհուրդ կտամ, էդ կրակողներին, արյունով Երևանը վերցնողներին, որ բառապաշարի վերանայում անեն և սեփական բախտը չփորձեն։ Սա ձեր ու ձեր կնքահայրերի համար 1999 թիվը չէ, սա հոկտեմբերը չէ, առավելևս 27-ը չէ․ սա 2023 թիվն է, սեպտեմբերն է և 17- է։ Դե, մի հատ, բախտներդ փորձեք ու ձեզ սպասվում է ասֆալտի հարուստ դիետա, էնքան ասֆալտ ուտեք ու բորդյուր լիզեք, որ Երևանի սանմաքրման 5 ամյակը մի շաբաթում գերակատարենք, դե բախտներդ փորձեք»։
Մանրամասները՝ տեսանյութում