Վերջին շրջանում շատ է խոսվում թմրանյութերի ապօրինի շրջանառության մասին, դրա մասին նաև հաճախ խոսում ենք այստեղ՝ ԱԺ-ում։ Բաց աղբյուրներից ստացված տեղեկատվությունների համաձայն՝ այս չարիքը ոչ թե նվազման, այլ աճի միտում ունի։ Գնալով ավելի շատ երիտասարդների կյանքեր են կործանվում, նրանց ընտանիքի անդամների կյանքերը ևս դժոխքի են վերածվում։ Հաշվի առնելով, որ թմրանյութ վաճառողները գերշահույթ են ստանում, կարծում եմ և համոզված եմ, որ այս ուղղությամբ պետք է նույնպես ֆինանսական միջոցներ ներդնել։ Այս մասին այսօր Կառավարության հետ հարցուպատասխանի ժամանակ ասաց «Քաղաքացիական պայմանագիր» խմբակցության պատգամավոր Հայկ Սարգսյանը։
«Առաջակ ունեմ, որ ուզում եմ այստեղ հնչեցնել. առաջարկում եմ քրեական պատասխանատվություն ենթադրող ծավալի թմրանյութ հայտնաբերման դեպքում տվյալ ոստիկանին տալ դրամական պարգև մոտավորապես 500 հազար դրամի շրջանակներում, ինչը նրանց կոգևորի և հնարավորություն կտա նոր դեպքեր բացահայտել»,-ասաց Սարգսյանը։
Մանրամասները՝ տեսանյութում