Սաուդյան Արաբիան որպես ռուս-ամերիկյան բանակցությունների վայր ընտրվել է երկու երկրների համատեղ որոշմամբ՝ ԱՄՆ նախագահ Դոնալդ Թրամփի առաջարկով, հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ ՌԴ ԱԳ նախարար Սերգեյ Լավրովը և Վլադիմիր Պուտինի օգնական Յուրի Ուշակովը նեկնում են Էր Ռիադ։
«Նախագահ Թրամփը նշել է Սաուդյան Արաբիան, երբ նրանք խոսում էին հնարավոր գագաթնաժողովի հնարավոր վայրի մասին։ Այսպիսով, այն ըմբռնման շրջանակում, որ այդ վայրը ընդհանուր առմամբ հարմար է և՛ ամերիկյան, և՛ ռուսական կողմերին, սա համատեղ որոշում է»,- ասել է Պեսկովը՝ պատասխանելով համապատասխան հարցին։
«Այսօր նախագահ Պուտինի հանձնարարությամբ ԱԳ նախարար Լավրովը և նախագահի օգնական Յուրի Ուշակովը թռչում են Էր Ռիադ: Ենթադրվում է, որ երեքշաբթի օրն Էր Ռիադում նրանք հանդիպում կանցկացնեն ամերիկացի գործընկերների հետ, որն առաջին հերթին նվիրված կլինի ռուս-ամերիկյան հարաբերությունների ողջ համալիրի վերականգնմանը»,- ասել է ՌԴ նախագահի մամուլի քարտուղարը լրագրողներին։