Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսը»՝ ՔՊ խմբակցության պատգամավոր Գագիկ Մելքոնյանն է իր «անուրանալի» ծառայություններով:
Գեներալի պաշտոնյա որդին
ՔՊ-ական պատգամավոր Գագիկ Մելքոնյանի որդին նշանակվել է «Երեւան-Կենտրոն» քրեակատարողական հիմնարկի պետ:
Մինչև այս, կրտսեր Մելքոնյանը զբաղեցնում էր «Արթիկ» ՔԿՀ պետի պաշտոնը:
«Երեւան-Կենտրոն» քրեակատարողական հիմնարկը կամ, այսպես կոչված, «ԿԳԲ-ի պադվալը» «էլիտար» հիմնարկ է համարվում, կարևոր ցատկահարթակ՝ համակարգում առաջ գնալու համար:
Մելքոնյանի «տգիտության» պատճառը
Երբ վերջերս Գագիկ Մելքոնյանը Պուտինին ձերբակալելու մասին էր խոսել, անգամ նրա թիմակիցներից շատերը դա վերագրել էին նրա տգիտությանը:
Բայց պարզվում է՝ ոչ:
Այդ որդու նշանակման համար էր Մելքոնյան Գագոն ծաղրածուի դեր կատարում «ռեժիսոր» Փաշինյանի «նկարած» «Բռնենք Պուտինին» ֆիլմում...
Վահրամ Բագրատյան