«Կենդանի Նոստրադամուսը» նորից սարսափեցնող կանխատեսում է արել 2025 թվականի համար
«Կենդանի Նոստրադամուս» անունով հայտնի գուշակը ևս մեկ մռայլ կանխատեսում է արել։
Աթոս Սալոմեն, որը ճշգրտորեն կանխատեսել էր համաշխարհային իրադարձություններ, ինչպիսիք են Եղիսաբեթ թագուհու մահը, համավարակը և Microsoft-ի աշխատանքի խափանումը, այժմ պնդում է, որ 2025 թվականը մարդկության համար «մեծ շրջադարձային կետ» է «տեխնոլոգիական առաջընթացի» պատճառով և զգուշացնում է «անխուսափելի վտանգի» և դրա հետևանքով անխուսափելի «թվային անվտանգության անկայունության» մասին։
«Այս զարգացումը ներկայացնում է հեղափոխական փոփոխություն, որը դասական համակարգիչները կդարձնի ավելորդ որոշակի գործողությունների համար», - Daily Mail-ին ասել է Բրազիլիայում բնակվող 38-ամյա գուշակը։
Նա կանխատեսում է, որ արհեստական բանականությունը կգրավի զվարճանքի և մեդիա ոլորտը, որտեղ արհեստական բանականությունը կօգտագործվի ֆիլմեր նկարահանելու, սցենարներ գրելու և էկրանին լիովին վիրտուալ դերասաններ ստեղծելու համար՝ ոչնչացնելով մարդկային ստեղծագործականությունը։
Սալոմեն մատնանշել է, որ մեքենաներն արդեն ունակ են ինքնուրույն մտածելու և, ինչը հատկապես անհանգստացնող է, նրանք «մասնակցում են ռազմական փորձարկումներին»: Նա ասում է.
«Մեքենաներն արդեն իրենք են որոշում, օրինակ՝ OpenAI-ը, Google DeepMind-ը և Anthropic-ն արդեն ունեն ԱԲ-ներ, որոնք ինքնուրույն աշխատում են մասնավոր ամպերում: Այս մեքենաները ներգրավված են ռազմական փորձարկումների, տնտեսական կանխատեսումների և բարձր ճշգրտության բժշկական ախտորոշման մեջ, և դրա մասին քիչ է խոսվում»:
Արհեստական բանականության առաջադեմ համակարգերի կարողությունը ընդօրինակել էթիկական սկզբունքները՝ միաժամանակ թաքցնելով տարբեր մտադրությունները, իրական է. կան ԱԲ-ներ, որոնք հնազանդ են ձևանում, բայց գործում են անկախ:
«Իրական նախազգուշացումն այն է, որ այլևս բավարար չէ «անջատել կոճակը»: Մենք գործ ունենք համակարգերի հետ, որոնք հարմարվում և սովորում են ինքնուրույն՝ առանց թույլտվություն խնդրելու», – ավելացրել է նա:
