Իրավիճակը շարունակում է մնալ բարդ, «Սուրմալու» առևտրի կենտրոնի տեղի ունեցած պայթյունի և դրա հետևանքների մասին լրագրողների հետ զրույցում ասաց ԱԻՆ Փրկարար ծառայության տնօրեն, փ/ծ գնդապետ Արմեն Գասպարյանը։
«Այս պահին զուգահեռ իրականացվում են և՛ հրդեհաշիջման, և՛ որոնողափրկարարական աշխատանքներ։ Ներգրավվել է նաև ծանր տեխնիկա՝ փլատակները մաքրելու և տեղափոխելու համար։
Շարունակվում է տուժածներին օգնության ցուցաբերումը։ Այս պահի դրությամբ հիվանդանոցներ է տեղափոխվել և բուժօգնության դիմել մոտ 45 տուժած»,- ասաց Արմեն Գասպարյանը՝ հավելելով, որ նախնական տվյալներով՝ պայթյունի հետևանքով զոհերի թիվը մեկն է։
«Սուրմալու» առևտրի կենտրոնում պայթյունի պատճառի մասին հարցին ի պատասխան՝ Փրկարար ծառայության տնօրենը նշեց․ «Հետաքննություն կիրականացվի, հետաքննությունը, նախաքննության մարմինները կտան դրա պատասխանը»։