Մալայզիայում գյուղացիները փրկել են տարեց համագյուղացուն, ում վրա կոկորդիլոս է հարձակվել։ Այս մասին հայտնել է տեղական The Star հրատարակությունը։
Միջադեպը տեղի է ունեցել երկուշաբթի՝ հունվարի 15-ին, Սաբահ նահանգի Կամպունգ Դամարանե գյուղում։ 79-ամյա կինը գետից ջուր է վերցնելիս եղել, երբ կենդանին հարձակվել է նրա վրա։ Մոտակայքում այլ գյուղացիներ են եղել․ նրանց հաջողվել է վախեցնել կոկորդիլոսին։
Իսկական պայքար է ծավալվել համագյուղացու կյանքի համար.։Կնոջն օգնության շտապած հարևանները բաժանվել են երկու խմբի․ ոմանք նրան դուրս են հանել կոկորդիլոսի բերանից, իսկ մյուսները հարվածել են ձեռքերով ու փայտերով։ Արդյունքում նրանց հաջողվել է գիշատիչից հեռացնել համագյուղացուն։
Դրանից հետո գյուղացիները նրան տեղափոխել են անվտանգ տարածք ու բժիշկներ կանչել։ Նրանք պարզել են, որ տուժածը ձեռքերի և ոտքերի վրա լուրջ վերքեր է ստացել։ Կնոջը տեղափոխել են Կուդատ քաղաքի հիվանդանոց։ Նրա կյանքին վտանգ չի սպառնում։
Տեղի վայրի բնության վարչությունն ահազանգել է գյուղի մոտ ագրեսիվ կոկորդիլոսի առկայության մասին և պատրաստվում է անհրաժեշտ գործողություններ ձեռնարկել դրա դեմ։