2022 թվականի հոկտեմբերին անշարժ գույքի 385 առուվաճառքի գործարքների կողմ են հանդիսացել օտարերկրյա քաղաքացիները, որը կազմել է առուվաճառքի ընդհանուր գործարքների 10.1%-ը: Այս մասին տեղեկանում ենք Կադաստրի կոմիտեի տվյալներից:

Նշվում է, որ գործարքներից 150-ի դեպքում օտարերկրյա քաղաքացիները հանդիսացել են միայն գնորդ, 222-ի դեպքում՝ միայն վաճառող, իսկ 13 գործարքի դեպքում երկու կողմն էլ հանդիսացել են օտարերկրյա քաղաքացի: Արդյունքում, 2022-ի հոկտեմբերին օտարերկրյա քաղաքացիները գնել են 163 միավոր անշարժ գույք, վաճառել՝ 235-ը:

Ավելի վաղ հայտնել էինք, որ  2010-2021թթ. ՀՀ–ում Ադրբեջանի քաղաքացիների կողմից իրականացվել է անշարժ գույքի իրավունքի պետական գրացման 6 գործարք։ 

Միաժամանակ, կադաստրի կոմիտեից հայտնում են նաև, որ 2010-2021թթ. ՀՀ–ում Թուրքիայի քաղաքացիները (ֆիզիկական անձինք) 71 անշարժ գույք են ձեռք բերել։ Թուրքիայում և Ադրբեջանում գրանցված իրավաբանական անձանց անվամբ ՀՀ–ում 2010-21թթ. ընթացքում անշարժ գույքի իրավունքի պետական գրացման գործարք չի գրանցվել։