Ռուսաստանի նախագահ Վլադիմիր Պուտինը ժամանել է Ղրղզստան։ Սա Ռուսաստանի ղեկավարի այս տարվա առաջին արտասահմանյան այցն է։
Պուտինը Բիշքեկում հագեցած ծրագիր ունի: Հինգշաբթի օրը աշխատանքային օրը կսկսվի Ալա-Արչա պետական նստավայրում՝ Ռուսաստանի Դաշնության Նախագահի և Ղրղզստանի իր գործընկեր Սադիր Ջապարովի պաշտոնական հանդիպումով։ Այնտեղ նրանք բանակցություններ կվարեն, որից հետո տեղի կունենա երկկողմ փաստաթղթերի ստորագրման արարողություն։ Ղեկավարները նաև հայտարարություններ կանեն մամուլի համար։
Սրանից հետո Պուտինը կմասնակցի Գալա միջոցառմանը` նվիրված Կանտի ռուսական ռազմաօդային բազայի 20-ամյակին։ Հինգշաբթի օրը նախատեսվում է նաև ՌԴ նախագահի բանակցությունները Ադրբեջանի ղեկավար Իլհամ Ալիևի հետ։
Նշենք, որ վաղը Բիշքեկում կկայանա ԱՊՀ պետությունների ղեկավարների խորհրդի նիստը, որը կանցկացվի նեղ և ընդլայնված կազմով։ Արդյունքում ակնկալվում է, որ առաջնորդները կստորագրեն համատեղ փաստաթղթեր։ ՌԴ նախագահը նաև առանձին հանդիպում կունենա Տաջիկստանի նախագահ Էմոմալի Ռահմոնի հետ։
Տեսանյութը՝ այստեղ