Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի և Հայաստանի միջև պետական սահմանի սահմանազատման պետական հանձնաժողովի միջև նիստերի ու համատեղ աշխատանքային հանդիպումների կազմակերպման և անցկացման աշխատակարգը հաստատելու նախագիծը Կառավարության օրակարգային հարցերից մեկն է։
Արդարադատության փոխնախարար Արա Մկրտչյանի խոսքով՝ նախագծի հիմքում ընկած է նոյեմբերի 30-ին ձեռք բերված և համաձայնեցված աշխատակարգի տեքստը։
«Մասնավորապես, սահմանվում է, որ նիստերի անցկացման ամսաթիվը, ժամը և վայրը որոշվում են հանձնաժողովների նախագահների միջև համաձայնությամբ։ Նիստերն անցկացվելու են հաջորդաբար՝ Հայաստանի և Ադրբեջանի տարածքում, կամ երկու պետությունների սահմանին։ Կարող են նիստեր լինել նաև երրորդ երկրների տարածքում, ինչպես նաև՝ տեսակոնֆերանսների տարբերակով։ Այն դեպքում, երբ կողմերից մեկի տարածքում է անցկացվում նիստը, ապա այդ կողմը պարտավորվում է ապահովել դիմացինի անվտանգությունը»,- ներկայացրեց Արա Մկրտչյանը։
Մանրամասները՝ տեսանյութում։